Dütsch - hollandschen

Ökumenischen Karkdeenst up Platt

an'n  3. November, snoamidddaangs üm dree Üür

in de reformeerde Karke in’t Loar


 

 

     
 
 
 

1. Vörspöll Örgel
2.Willkummenswoart döar A. Rötterink van'n Groafsch. Plattpr. Kring
3. Ijngaungswoart (Votum) ÖP Georg Schüürhuis

 
         
 

    Leed: Gott ouns Gott wij roopt dij to (EG Nr. 331)

    Gott ouns Gott wij roopt dij to (EG Nr. 331)
    Gott ouns Gott wij  roopt dij to,
    höar ouns beden, höar ouns singen.
    Vöar dij stoa wij, kläin en groot,
    all ouns Daunkschüild dij to brengen.
    Soa du was vöar lange tied,
    soa bliffs du an ounse Sied.

    Alles wat dij priesen kann,
    all de Engel hoch doar bowen,
    stemmt met ouns dat Daunkleed an,
    dij alleen met Eär’ to loben.
    All dien Volk böagt sick vöar dij,
    böag ock du dij her to mij.

    Groot bis du, Gott Zebaoth,
    Woar is soa een Gott to finnen?
    Stees ouns bij in all ouns Noat,
    Maaks ouns frij van Schüld en Sünden.
    Dij höart Daunk un Eär alleen,
    loat ouns nich velöaren ween.

    Heer, erbarm, erbarme dij,
    loat dien Gnade bij ouns stoan.
    Dien erbarmen bliff bij mij,
    at de Mäinschen all’ willt goan:
    Loat ouns nich velöaren ween,
    anners stoa wij heel alleen.

     

 
 
 

Lesen: Barmer Erklärung  (Pastor Johan Klaassen)

 
         
 

Leed: Ick eäre mienen Gott …  (EG Nr. 272)

Ick eäre mienen Gott heelmoals van Hatten,
vetellen will ick van all sien Wunner
en singen sienen Namen.
Ick eäre mienen Gott heelmoals van Hatten,
ick freue mij en bin bliede , Heär in dij, Halleluja!
Ick freue mij en bin bliede, Heär in dij, Halleluja!

Ick singe mienen Gott heelmoals van Hatten,
vetellen will ick van all siene Leewde
en singen sienen Namen.
Ick singe mienen Gott heelmoals van Hatten,     
ick freue mij en bin bliede, Heär in dij, Halleluja!
Ick freue mij en bin bliede, Heär in dij, Halleluja!

Ick danke mienen Gott heelmoals van Hatten,
vetellen will ick, dat he alle Mäinschen
in siene Haune drögg.
Ick danke mienen Gott heelmoals van Hatten,
ick freue mij en bin bliede, Heär in dij, Halleluja!
Ick freue mij en bin bliede, Heär in dij, Halleluja!  

 
         
 

Lesen: Apostelgeschichte 2, Verse 42 – 47 (Jan Velten)

 
         
     
         
 

Iengaungsgebett (Pastor Johan Klaassen)

 
         
 

Leed: De Karke, de steet faste (EG Nr. 264)

 
         
 

De Karke, de steet faste,
alleen up Jesus Christ,
dee ounsen groten Gott
siene nije Schöpfung is,
van’n Himmel kwamp he daale,
en nöimp see sick as Bruut,
en kump met äigen Blood
ouns alltied weär togoot.

Utsöcht ut alle Völker,
en doch as een Volk täild,
een’ Heär is’t en een’ Gloawen’,
een’ Geest denn eär beseelt,
en eenen hilgenNamen,
eärt see, een heilig Moal,
en eene Hoppe deelt see,
döar siene Gnadenwaal.

Hier all is see vebünnen,
met em, denn is en was,
heff selige Gemeenschup,
mett de Erlösten all’,
mett dee, dee all vullkummen.
Dij Heär, dij rope wij:
Leär ouns, dat wij mett’n allen,
dij dankbar bint alltied.

 
         
 

Preeke: Froage 54 ut denn Heidelberger Katechismus (ÖP Georg Schüürhuis)

 
         
 

11. Leed: Gott heff dat eärste Woart  (EG Nr. 199)

Gott heff dat eärste Woart.
He rööp de Weärld in’t Lewen,
heff Lecht en Lucht eär gewen,
en helpt ouns alltied foart.

Gott heff dat eärste Woart.
Eär wij up’ Weärld bint kummen,
rööp he ock ouns met Namen,
wij bint’ soa lang at’ duurt.

Gott heff dat leste Woart.
Eenerläi, woar’t ock üm geet,
he is’t, de ait to ouns steet,
he is’t, dee up ouns wocht.  

O Gott, dien häilig Woart,
loat bliewen ouns all Tieden,
in Glück en ock in Lieden,
all Dage wieter foart

 
         
  12. Dank- en Föarbiddengebett  (Pastor Johan Klaassen)  
         
  13. Gebett: Ounse Vader, de du bis in'n Himmel (alle tohoape)
    
Ounse Vader, de du bis in’n Himmel,
häiligt wött dij'n Nam'.
Dijn Riek sall kummen,
alles sall geböaren, watt dij'n Will'n is,
in'n Himmel en up Erden.
Ouns daangsche Broat geef ouns vandage,
enn v'geef ouns ounse Schoud,
nett ass wij ock v'gewen söllt,
de ouns wat schüllig bint.
En läi' ouns futt van alle Leepichkäit,
en geef, dat wij ginn Kwoat möögt doon,
want dijn is dat Riek, en de Kracht
en de Heerlikkäit, in Ewigkäit.
Amen !
 
         
 

14. Leed: Bewaar du ouns Gott … (EG Nr. 171)

Bewaar du ouns, Gott, bewaar du ouns Gott,
goa met ouns up all ouns’ Wegen.
Wees Kompass en Wijnd, woar wij ock bint,
kumm to ouns met dienen Segen!
Wees Kompass ...

Bewaar du ouns, Gott, bewaar du ouns Gott,
goa met ouns in all ouns’ Lieden.
Dien fräindlik Gesicht, vull Wöarmte en Lecht,
blief bij ouns in swoare Tieden.
Dien fräindlik ...

Bewaar du ouns, Gott, bewaar du ouns Gott,
goa met ouns, leär ouns vegewen.
Dien Geest en dien Kracht, de Free ouns schafft,
kumm to ouns! Soa könn wij lewen.
Dien’ Geest ...

Bewaar du ouns, Gott, bewaar du ouns Gott,
goa met ouns döar dienen Segen.
Dien’ häiligen Geest, denn Lewen geff,
is üm ouns up ounse Wegen.
Dien’ häiligen Geest ...

 
         
  15. Offkünnigungen (Geert Jürgen Broekman)  
     
  16. Segen: Georg Schüürhuis en Johan Klaassen tohoape
(alle stoat up)
 
     
  17. Örgelspöll to'n Utgaunk  
     
 

Dissen Deenst in ounse Modersproake is vöarmekaar maakt döar Löö van'n „Groafschupper Plattproater Kring“ en'n „Kreenk vuur de Twentse Sproak“. Wij bedankt ouns bij alle, de doarto bijdrögen hebbt, namentlik bij Pastor Johan Klaassen ut Holland en Öllstenpreeker Georg Schüürhuis ut Wilßem. 

Ant Äijnde noch 'n bettien ower de Karke sölws

De reformeerde Karke in’t Loar is in 1863 baut wönnen en kann dit Joar up eär 150jöarige Bestoan trüggekieken. Doarüm holl wij dissen Karkdeenst up Platt dit Joar hier in’t Loar. De Karke is in de Joaren 2000/2001 heelmoals van buten en binnen weär upknappt wönnen, soa as ij se nou vöarfind.
Bis 1863 heff hier an desölwe Stee ’ne kläine Kapelle stoan mett ’nen Klockentoren de tegen.
De öllste Klocke is all ut dat Joar 1495, de tweede van 1511. See bint bäide van Gerhardus de Wou ut Kampen götten wönnen.  Denn Dööpsteen ut Bäintmer Saundsteen is ut’ 13. Joarhunnert. Denn Preekstool drögg de Joartaal 1645.

 
         
     
Zurück