Dütsch-hollandschen ökumenischen Karkdeenst up Platt
an’n 27. Meärt 2011 in de reformeerde Karke in Schüttrup

         
         
     
         

 

Denn Groafschupper Plattporater Kring heff an’n Söindag, 27. Meärt, tohoape met denn „Kreenk vuur de Twentse Sproak“ ’nen dütsch-hollandschen ökumenischen Karkdeenst up Platt in de reformeerde Karke in Schüttrup ofhöllen. Preekt heff Öllstenpreeker Gebhard Berens ut Notthoarn-Hespe en de Pestoar Johan Klaassen ut Groenlo in Holland heff de Gebette doan. Dat Vöarlesen ut de Bibel heff Jan Velten ut Enter owernömmen en de Offkünnigungen van de Karkengemeende Schüttrup kwammen van Karl-Heinz Elskamp, de sölws ut de Gemeende kump. Denn Posaunenchor Isterbarg heff bij’t Singen to denn musikalischen Deel bijdrögen en to’n Beginn heff Albert Rötterink ut Emmelkamp as Vöarsitter van denn Groafschupper Plattproater Kring alle van Hatten willkummen hetten.   
Et was ’nen heelen mooijen Karkdeenst in de groote refomeerde Karke in Schüttrup. En et was heel wat Volk up de Beene kummen.
Dit was nou all dat 27. Moal, dat denn Kring föar de Twentse Sproak en denn Groafschupper Plattproater Kring ’nen Karkdeenst up Plat up disse Wiese ofhölen hebbt en et was dat 14. Moal hier in de Groafschup Bäinthem. Et gebört üm’t anner Joar offwesselnd, eenmoal in de Twente en’t anner Moal hier in de Groafschup. Begijnt bint de bäiden Krings doarmet in’t Joar 1983 in Nijnhuus.  
Noa denn Karkdeenst gaff’t noch ’ne Köppien Koffie of Tee met’n Stück Koke debij, dat’n Stück of wat Fraulöö van de Karkenemeende torechte makt hadden. Doarbij gaff et dann föar de Löö noch wal heel wat to beproaten.
Denn Kring segg Daunk nochmoal an alle, de to denn Karkdeenst of to dat Tostaundekummen bijdrögen hebbt.    

Albert Rötterink

 

         
 
 
 
 
 
     
Zurück