Am 5. Oktober 2025 fand in der Pfarrkirche St. Augustinus in Nordhorn ein ökumenischer Karkdeenst up Platt statt, zu dem der Groafschupper Plattproater Kring eingeladen hatte. Der Gottesdienst begann um 15:00 Uhr und stand ganz im Zeichen des Erntedankfestes.
Gestaltet wurde der plattdeutsche Gottesdienst von Pastor Santel und Pastor Wiggers sowie weiteren Mitgliedern der Kirchengemeinden. Henni Boermann, Vorsitzende des Groafschupper Plattproater Krings, begrüßte die zahlreichen Besucherinnen und Besucher in der Kirche.
Nach dem Gottesdienst gab es noch eine gemütliche Zusammenkunft bei einer Tasse Kaffee, bei der viele die Gelegenheit nutzten, sich auszutauschen und das gesellige Beisammensein zu genießen.
Programm
1. Posaunenchor
2. Votum – Iengangswoart (Pastor Wiggers)
3. Willkummenswoart (Henni Boermann)
4. Leed: Vöröver is de Erntetied, GL 837 Melodie: Zieh an die Macht der Liebe)
5. Gebett (Pastor Wiggers)
6. Ut dat Evangelium noa Lukas, Lukas 12, 15-21
7. Leed: GL 425, 1-5, Solang et Mäinschen geff up Erden
8. Preeke (Pastor Santel)
9. Posaunenchor
10. Bekenntnis van‘n Glöwen: (Pastor Wiggers met Gemeende) Text: Credo von Nicäa
11. Leed: Singt Gott den Heeren, Nr.392 Melodie: Lobe den Herren …
12. Dankgebett (Otto Lampen)
13. Gebett all tohaope: Ounse Vader de du bis ien`n Himmel
14. Ofkünnigungen (Henni Bormann)
15. Leed: Kumm Heer, segne ouns, GL Nr 451
16. Segen (Pastor Wiggers und Pastor Santel)
Ankündigung zum Gottesdienst
De Karke heff Dr. Rudolf Oppel moalt..
Ökumenischen Karkdeenst up Platt
an’n 3. Mäi 2026 vöarmiddaangs üm tien Üür ien de ev.-reformeärde Karke ien Emmelkamp
Programm
1. Posaunenchor
2. Willkummenswoart (Henni Boermann)
3. Iengangswoart – Weckenspröck (Alfred Huisjes)
4. Psalm 98, 1 – 2, Singt, singt denn Heären nije Leder!
1.
Singt, singt denn Heären nije Leder!
He is’t alleen, de Wunner dött.
Kiekt, siene Rechte, de winnt ait weär,
sien‘ hilgen Arm geff Kracht en Moot.
Woar bint nou alle ounse Lieden?
De Heär geff Röst en Sekerhäit.
He sölws, he openbart de Häiden
Sien Recht en siene Heärlikkäit.
2.
De Heär, de denkt an sien Erbarmen,
en siene Woarhäit, de steet fast‘.
He drögg sien Volk up siene Arme
en helpt, at alles ouns velatt.
Gauw see wij alle hier up Eärden,
wo ouns Gott‘s Gnade bliede maakt.
Gott will, dat‘ föar ouns alltied mooij wödd,
pucht alle Gottes Heärlikkäit.
5. Offkünnigungen (Egbert Klokkers)
6. Leed 331 EG, Gott ouns Gott wij roopt dij to
1.
Gott ouns Gott wij roopt dij to,
höar ouns bitten, höar ouns singen.
Vöar dij stoa wij, kläin en groot,
all ouns Daunkschuld dij to brengen.
Soa du was vöar lange Tied,
soa bliffs du an ounse Siet.
2.
Alles wat dij priesen kann,
all de Engel hoch doar boawen,
stemmt met ouns dat Daunk-Leed an,
dij alleen met Eär’ to loben.
All dien Volk böagt sick vöar dij,
böag ock du dij häin to mij.
3.
Groot bis du, Gott Zebaoth,
woar is soa een Gott to finnen?
Stees ouns bij ien all ouns Noat,
Maaks ouns frij van Schuld en Sünden.
Dij höart Daunk un Eär alleen,
loat ouns nich velöaren ween.
4.
Heär, erbarm, erbarme dij,
loat bij ouns diene Gnade stoan.
Dien Erbarmen bliff bij mij,
at de Mäinschen all’ willt goa-n:
Loat ouns nich velöaren ween,
anners stoa wij heel alleen.
7. Heidelberger Kathechismus, Froage 32 (Gerda Künnen)
Men woarüm wöss du ’nen Christ nömd?
Antwoart: (Gemeende alltohoape)
Doarüm, dat ick döar denn Gloawen een Lidd Christi bin
en doardöar an siene Salbung Andeel hebbe,
doarmet ock ick sienen Namen bekenne
en mij em to een lewend Daunk-Opper häingewe
en met’n frij Geweeten in dit Lewen
tegen de Sünde en denn Düwel angoa
en doarnoa in Ewigkäit
met em ower allet Lewen regeär
8. Chor (Sing for it)
9. Lesen Psalm 66 (Gisela Boomhoff )
1) En Leedd jubelt Gott to, all ij Mäinschen op de Weärld!
2) Singt un musizeert to sien Ehr, stimmt an een Leed op siene Grötte un siene Pracht!
3) Proat to Gott: »Wo herrlich is dien Doen. Vöar diene Macht mött sogaar de, de wat tegen dij hebbt, sick bögen.
4) Alle Mäinschen op de Weärld söllt dij anbeden, de söllt dij priesen un dien Namen besingen.
5) Komt un seht, wat Gott doane heff; wo wunderbar is sien Haundeln unner de Mäinschen!
6) He deelte dat Meer un heff sien Volk doar dörtrecken loaten, met dröge Fööte kunnen se dör dat Water goan. Dorüm veblied wij uns over Gott!
7) Ja, he heff all Macht un regeert för ewig un ewig. He kikk op de Mäinschen – he sött alles. Well kann all tegen em bestoahn?
8) Alle Mäinschen pucht ounsen Gott! Roopt het ut, dat et alle hört!
9) Gott hoalt ons an’t leven, he latt ouns nich unnergoan.
10) Want Gott, du hess ouns vesöcht un süwer maakt, so as Sülver süwert maakt wött.
11) Du hess ouns ien’e Falle goan loaten un schwoare Lasten op ounse Schullern lecht.
12) Annere Löö hebbt op ouns rüm trampelt, wij lööpen Gefoar, döar Füür en Hochwater ümtekommen, man du hess ouns ut de Gefoar rett un ouns mehr geven, as wi bruukt hebbt.
13) Ik kom nou met Brandopper in dien Häiligdoom un lös mien Versprekken ien,
14) datt ick ien miene Noat to dij schräwt hebb.
15) Nu breng ik dij de mooisten Schlachtdeere: fette Schoape, Kohne en Zeegenbücke. Eären Rökk all to dij opstiegen.
16) Kumt un höört to, ij, de Gott acht un ehrt, ik will ouw vertellen, wat he för mij doane hefft.
17) As ik to em üm Hölpe schräw, wüss ik, dat Gott mij helpt! Dorüm begün ik, em to priesen.
18) At ik Schlimmes ie’n Sinn hadde, dann heff denn Herr mij nich höört.
19) Man he heff mi höört, mien Gebett heff he annömmen.
20) Gott sall pucht wödden, want he heff mien Gebett nich trügewesen un mij siene Levde nich offtröcken.
10. Leed 23, 1 – 3, Geh unter der Gnade (Extra Blatti met Noten)
Refräin:
Goa un-ner de Gna-de, goa mett Gott sien Se-gen
goa ien sie-nen Fre – den, woar ock ait du wat döss.
Goa un-ner de Gna-de hör op Got-tes Wöarte,
blijv in zijne nöch–te, wat im-mer d-u döss.
1.
Au-le Üh-ren, au-le Da-ge
lass du frao-gend nu te-rügg. Best be- käint at
au-le Klee-der sind se die döar Leed en Glück.
2.
Nij-e Üh-ren nij-e Da-ge
lang-sam nur stiggs du doar drien. Sull de nie je
Tiejd dij pas-sen? Is se dij te groot, te kläin?
3.
Goo-de Wüin-sche goo-de Woär–de
söllt doch all-tied bij dij wäen. Doch de bes-te
Wüi-nsche kumpt doch al-le ien denn ee-nen drien.
11. Preeke (Alfred Huisjes)
Predigttext Kolosser 3, 12-17
Kapitel: Wie Christen leben sollen
12: Gott heff uw utsöcht, Gott heff uw leev, Gott heff uw to sien Volk maakt.
Doarum trekt nu dat neie kleed an, un doartoe hört: herzliches Erbarmen, Fräindlichkeit, Demood, Sanftmood un Geduld.
13: Hollt het metmekaar ut, en vergeeft u tegensiedig, as eene wat tegen denn annern heff. So as de Herr uw vegeff, so möt i uw ook vegewen.
14: Men over alles moet dat Kleed van de Leevde antröcken wönn. De ist dat band wat alles bimekaar hollt.
15: Un de freden denn Christus geff möt in u hart regeeren. In hem un met hem ben ij een lief. Wees dankbaar doarför.
16: Loat Christus sien Woord – sien hele Riekdom bij u wän. Unnerricht en maant u gegensiedig met Klookheid – un dank Gott van Harten met het Singen van Psalmen, Gesang un Leeder, de Gott zien Geest uw schäinkt.
17: Un alles wat ij doot met Woorden un Hanne, dat sal in denn Naam van denn Herr Jesus gebörn. Un dankt Gott de Vader döör em.
12. Chor (Sing for it)
13. Föarbiddengebett
(Renate Hesselink, Hermine Haandrikmann, Johann Borgmann)
Wo good bis du, Gott,
wat mooi is diene Schöpfung.
Iedern Dag schenkst du ouns dat Blau an Himmel,
dat sprengende Gröön vun de Böme, en immer meer bunte Blomen.
Iedern Dag schenkst du ons Leevde, Hoop en Vertrauen.
Wo good bis bis du, Gott.
Üm Wunner bid wi di vandaage Gott: üm Freeden.
Schenk Freeden over de hele wereld, maak ons sterk tegen de Feinde van ouns Leven. Sett den Freeden in Kraft door wo de Gewalt is.
Maak den Freden stark un vedrief de Handlanger vun den Dood.
Üm Freden bid wi di – vandaag netso as morgen.
Üm Wunner bid wi di vandaage Gott: pass op ouns op. Geef alle Mäinschen dat Broot iedern dag, geev dat Weer, so dat de Eer ehr Frücht bringt, weck de Gerechtigkeit, so dat de Rieken deelt.
Geef all Mäinschen de Freude an diene Goawe, dat Glück, dat wi toe diene Familie hört un geef äer von Harten, üm op mekaaar to hören.
Üm Wunner bid wi di vandaage Gott: Wies de Mäinschen de in Truur bint diene Nögte.
Geef diene Leevde to de Mäinschen de et seelisch nic good geht. Raak diene Gemeende an met dienen Geest. Üm Leevde en Glöv bidd wi – dör Jesus Christus, de för ouns van den Dood opstoan is.
Wo good bis du, Gott, op di hopp wi vandaag net so völl as mörgen
14. Leed 554 EG, 1 – 3, Eens dat wäinsch ick mij föar alles anner
1.
Eens dat wäinsch ick mij föar alles anner,
dat ick stark bin, froo en laat,
üm getrost döar Düsternis to wandern,
enn Eens alltied föar mij hat:
Faste hebb de lewe Mann ien’t Oage
de met Bewen en met Doadsgeploage
up sien Antlitz daale sünk,
en den Kelch van Gottsvaa drünk.
2.
Alltied sall et mij föar Oagen stoane,
wo gedüllig he et drög,
wat man so erbärmlik em andoane
wo man em ant Krüüs doar slög.
Starwend heff he ock üm mij noch rüngen,
miene Schould en mienen Schrick bedwüngen,
en dann ock an mij noch dacht,
as he rööp: Et is vullbracht!
3.
Joa, mien Jesus, loat mij noijt vergetten,
miene Schuld en diene Huld,
As ick ien de Düsternis hebb setten,
hass du noch met mij Geduld.
Wo ’nen Schöper an sien Schoap all dacht heff,
lange föar et up sien Roopen acht geff,
hess du all föar miene Tied,
mij de Wegg noa Gott verblied’t.
15. Gebett: Ounse Vader, de du bis ien’n Himmel (Alfred Huisjes)
(all tohoape, soawiet at et geet, stoat’t alle up)
Ounse Vader, de du bis ien’n Himmel,
häiligt wött dien’n Nam‘.
Dien Riek sall kummen,
alles sall geböaren, watt die’n Will’n is,
ien’n Himmel en up Erden.
Ouns daangsche Broat geef ouns vandage,
enn v’geef ouns ounse Schould,
nett as wij ock v’gewen söllt,
de ouns wat schüllig bint.
En läi‘ ouns futt van alle Leepichkäit,
en geef, dat wij ginn Kwoat möögt doon,
want dien is dat Riek, en de Kracht
en de Heerlikkäit, ien Ewigkäit.
Amen!
16. Leed 171 EG, Bewaar du ouns Gott …
1.
Bewaar du ouns, Gott, bewaar du ouns Gott,
goa met ouns up ounse Wegen.
Wees Kompass en Wijnd, woar wij ock bint,
kumm to ouns met dienen Segen!
Wees Kompass …
2.
Bewaar du ouns, Gott, bewaar du ouns Gott,
goa met ouns ien ounse Lieden.
Dien fräindlik Gesicht, vull Wöarmte en Lecht,
blief bij ouns in swoare Tieden.
Dien fräindlik …
3.
Bewaar du ouns, Gott, bewaar du ouns Gott,
goa met ouns, leär ouns vegewen.
Dien Geest en dien Kracht, de Free ouns schafft,
kumm bij ouns! Soa könn wij lewen.
Dien Geest …
4.
Bewaar du ouns, Gott, bewaar du ouns Gott,
goa met ouns döar dienen Segen.
Dien’ häiligen Geest, denn Lewen geff,
is üm ouns up ounse Wegen.
Dien häiligen Geest …
17. Segen (Alfred Huisjes en Gisela Boomhoff)
18. Posaunenchor to’n Utgaunk en Kollekte
Alle blieft sitten en lüstert noch noa denn Posaunenchor.
Dissen Deenst ien ounse Modersproake is vöarmekaar maakt döar denn Groafschupper Plattproater Kring.
Wij bedankt ouns bij alle, de to dissen Karkdeenst bijdrögen hebbt.
Ant Äijnde noch lück Gegewens ower de reformeärde Karke ien Emmelkamp:
De Karke is ut Bäimpsche Saundsteene baut wodden. De öllsten Deele stammt ut de Tied üm 1100. Denn Toren is mischien in de Millte van dat 14. Joarhunnert vöarbaut wodden. He was dumoals heel wat läger as vandage en stöind millen vöar dat Karkenschipp. In’t Joar 1484 is de Karke noa de Südsiete häin üm eenige Meter vebreedert en ock üm eenige Meter upstockt wodden. De Plaate ower de Döare an de Noordsiete drögg dat Teken MCCCCLXXXIIII (=1484) en wiss up dit Vegröttern van de Karke häin. De ünnersten twee Deele van denn Toren en denn gröttsten Deel van de Müre in’t Noorden bint stoan blewen en nich veannert wodden. Denn Toren is 1558 üm een Deel vehögt wodden en heff ’ne Höchte van 45 Meter. An de Noordsiete heff bis 1820 ’ne gewölbde Sakristei ut de roomsche Tied stoan. Man kann et buten noch dütlik seen. 1980 is dat Dack nijt maakt en denn Toren weär in Ödder bracht wodden.
Denn romanische Dööpsteen is good 800 Joar ault un is in een Stück ut’n Abmischen Saundsteen höiwen wodden. Denn Preekstool is ut de Tied üm 1600.
Dat Gelüüt van de Karke besteet ut veär Klokken. Dree doarvan bint van den bekäinden Klokkengeeter Geert van Wou ut Kampen in Holland. De öllste Klokke is 1487 götten wodden.